so as gaebt wieder soooooooo... viel zverzela, i beschraenk mi jetzt mol ufs wesentlicha!
well ues jo Perm so guat gfalla haet und zu allem ana no schlecht Wetter bi 5 Grad (!!!) gsi isch am 21.05. haemmer gfunda miar koenntend jo ufem Bahnhof warta. As sind nu ca. 7 Stund gsi wommer haend muessa uf da Zug warta. as isch daenn schnell relativ luschtig worda. Wommer d Jasskarta uspackt haend isch irgend an Russ zu ues ghockt (glaub an "penner") und haet wela mitspiela. er haet ues glaub fascht 6 stund uf russisch vollquaslet und zwueschet dura mol uf English gfrogt "everybody good?". isch aber au zeinziga gsi wonner English haet koenna...
Das do una ischer also. Dr Michi haet gfunda, das Bild mueass in da Blog (na ja ;-) )!
As isch daenn also relativ schnell 8i worda und dr Zug isch endlich ko. miar haend au das mol as Abteil ganz fuer ues gha. As isch zwor ganz as biz eng gsi aber gmueatlich. Dr Rescht vom Waga isch voll gsi mit Duetscha. 
Waehrend daera ca. 60 Stuendiga Etappa, fahrt ma an jenschta so Holzhuetadoerfli verbie. Relativ viel zerkeiti Huettana und Industrie gseht ma au.
Was aber hingega schoen isch, sind di viela Waelder, und extrema Witena, woma kai Hus oder suss oepis gseht.
Am Sunntig Morga simmer daenn in Irkutsk ako, bi ebafalls 5 Grad. Miar sind daenn mol in zHostel und nochhaer ind Stadt. Nochem Mittag haet d Sunna agfanga broetla und as isch zwuescha 20 und 25 Grad warm worda.
So dr erscht Idruck vo Irkutsk isch mol einiges besser als vo Perm. Gseht so richtig noch gmueatlicher Kleinstadt us. Das Bildli una isch an dr Hauptstross. Haet an huffa Laedali aber extrem wenig Kafis und Restaurants.
Waema sich daenn mol zwei, drei Sitastrossa witer waeg bewegt gsehts daenn aber schnell mol so us. As haet no u viel Holzhuettana in dr Stadt und dStrossa sind katrastrophal. Aber so wias usgseht ischs nid extrem gfoehrlich do.
Jetzt wieder mol zwei Sacha ueber d Russa:
1. Dia Koega sufend gar nid viel Vodka, dafuer jede Menge Biar!!!
2. Russischi Arbeitsmoral (Bahn- und Bauarbeiter), eina bis maximal zwei schaffend abiz und so zwuescha fuef und acht luagend zua, sitzend uma oder rauchend. Hans also echt no nianed anderscht gseh!!!
Guat das waers daenn wieder mol gsi vo uesera Sitta.
In da noegschta 7 bis 10 Tag werdender vo ues nued me ghoera. Morn Morga am 8i goemmer ufd Insla Olchon go Zelta. Das heisst nix Strom...
Bis daenn und a Grueassli
he düdes....
AntwortenLöscheniar hens schu chillig.... viel spass no ufem baikalsee..
piis und tüan ni zwild
Hehe, dia Arbeitsmoral ischmer us Asia au sehr guat bekannt ;-)
AntwortenLöschenMit denna Zugabteil händer jo a Narra-huara-Glück kha bis etz. Schön dasses eu immerno guat goht und iar nonit ufem Rückweg sind ;-) Denn viel Spass bim Zelta und obacht vor da "Schamana"
Hoi iar zwei!
AntwortenLöschenhet au grad wieder Lust uf Transib - isch einfach a super Sach. Und dia Unflexibilität vo da Russa am Schalter verwunderet mi überhaupt nid...
Olchon isch eifach grossartig, iar werdends gseh! Es isch super schön und i hoffa iar werdends nid z chalt ha.
Bis bald hoffentli mol am Telefon (s letscht mol hets jo nid klappet...)
Ganz liabi Grüassli
Flu
so jetz meldet sich dr markus au amol, mi dunkts iar sind biz viel in da möscht stat dia schöna sehendswürdikaita am aluaga, aber dr markthaus wür das genau so macha.dr dokter het jo scho immer ksait das ma viel trinka söt das ma ksund blibt. viel spass u immer dra denka schön sexy bliba gruass fink u fam.
AntwortenLöschen