Juhuu allersiits,
miar sind jetzt scho a paar Tag in Anchorage und händ üs scho kli igläbt. Wetter-technisch ischs super momentan. Jeda Tag Sunna und ca. 20 - 25 Grad warm. Und luschtig isch, dasd am 11i am Obig kasch ins Bett ligga und d'Sunna schiint eim no schön an da Kopf. Recht speziell. No besser isch gsi, womer geschter usem Pub sind am halb 2 und as isch so Dämmerliacht gsi dussa. Für dia paar unter eu wo jetzt scho wieder denkend miar segend nu am sufa, nö nö nö, isch zerschta mol gsi sit Hawaii.
Iar frogend eu jetzt sicher was miar zwei so lang in dera ruhiga, gmüatlicha Stadt machend?! Also kurz gseit miar händ öpa hundert Variantana prüaft, wiamer wend witer reisa. Nochdem mr jeda Tag am abchecka, afroga, Büro's bsuacha und so witer gsi sind, hämmers hüt doch no gschafft as Auto z'kaufa. Z'grossa Problem isch z'versichera gsi. Niamert hät üs wela versichera. Aber hüt hämmer a internationali Versicherigsgsellschaft gfunda. Jetzt hämmer a Versicherig und a günschtiga VW-Bus (woma kann schlofa dina). Mora no zahla und ilösa und dänn kanns endlich losgo mir Bärajagd. ;-) Nai Mama's kai Angscht, miar gönd nu di schön Natur go aluaga.
Sind recht strengi (mental) Täg gsi mit an hufa up's und down's. Miar freuend üs jetzt richtig zum loszücha, ab ind Wildniss.
Downtown Anchorage
Dia Köga händ voll Molinis vergessa uf dr Tafla...
Bis hoffentlich bald
Und wo bliebt dia Foti vu eurer neua Errungaschaft!?? ;-) Wow, bin gpannt was do no allas chunt vu eu. Viel Spass ir Wildniss!
AntwortenLöschengruass Guggerli
Das isch super, das iar jetzt as Auto gfunda händ. Hoffentlich chömed iar dämit a ganz schöni Ort! In Gedanka sind mias voll däbi. Hebed eu Sorg und gnüsseds i dä Wildnis. Ganz liabi Grüass Papi + Mami
AntwortenLöschenhallo zämme
AntwortenLöschenich wünschti mir ich chönt grad mit reise bi eu! Me gset ihr händ scho viel erläbt. Bi eus isch nöd viel los.. Giger, chöntsch no es paar Ufträg mit bringe!!! Weret froh im gschäft¨¨. No ganz schöni Ferie wünsch ich eu
Gruess André S.