Hallöchen,
so, Las Vegas und Los Angeles hämmer jetzt au amol gseh.
So a klisas statement vo üs:
Las Vegas: Isch scho krass was dia ind Wüaschti gstampft händ!!! D'Stadt als solches isch recht hässlich. Z'einziga wo halt echt voll glemmer isch und voll puscht wird isch dr "Strip". Also d'Stross mit allna Casino's und Hotel's. Irgendwia isches scho no luschtig zum mol dur all das dura laufa.Was au sehr gail isch an Vegas, dia händ Outlet- und Factory-Stores ohni ende. Döt got ma sogar als als maa go shoppa. ;-) Also Fazit: nice to see aber nüd veruckts.
Los Angeles: Dia Stadt isch jetzt aifach nur riesig! Miar sind in Venice Beach im Hostel gsi. Isch huara gmüatlich do mit an hufa struba Lüt. D'Stränd sind echt cool und ebafalls riesig. Hollywood und Malibu sind halt au luschtig zum mol gseh, well mas immer in Film gseht. Aber me au nid. Krass isch gsi, vo Venice Beach uf Long Beach mit Bus und U-Bahn duret rund 2.5 Stund. In dera Ziit fahremer normal dur me als di halb Schwiiz. Sind no anderi grössaverhältnis. Also i denk in L.A. wür mas au guat länger ushalta. Git aifach viel zum gseh oder ma liit aifach an Strand und gnüsst 25° und Sunna.
"The Strip" in Las Vegas
z' New York New York (isch dänn nid z'gröschti)
muas ma jo ufera Photi ha...
Venice Beach. Z'wiisa Hochhus ganz links isch vo Santa Monica
an leera Long Beach
Soli das sind kurz news vo Übersee gsi. Mora gots noch San Diego für a kli längeri Ziit. Denka ca. 2 Wucha.
so Ihr zwoi - witzig... mer händ ähnlichi Iidrück vo L.A. gha... händ aber hardcore de Tourischtebus gnoh und sind dur Belair und Hollywood gfahre - händ also alli wichtige Fassage mit Näme verchnüpft becho :-) Mir sind denn noch Morro Beach - glaub de einzig Ort in California wos konstant oder mind. seeeeehr oft Näbel hett... händ de Cousin vo de Anna bsuecht - 3 Tag im Hochsummer mit Socke und Pulli... 3 Minute (is Auto stiige, aloh, abfahre - 2 Min. fahre) spööter isch mer uf alli Siite ade Sunne gsii :-))
AntwortenLöschenWenn chömeder jetzt is Land vo de Kiwis?? Mer wartet aso - ha s'feine Bier aso scho in Chüehlschrank doh!
Lönd vo Euch ghöre... hebed's guet, gseht eifach guet us was Ihr so undernämed...
ganz liebi Grüess vo üs allne, wiiterhin vill Spass!!!!!!!