Hola! Qué tal?
Üs gots immer no super. Cabo San Lucas hämmer noch a paar Tag hinter üs loh. Ain Tag simmer no mit Kayaks ufs Meer usa. Schlucht verdammt und zaigt amol so richtig, wia d'Distanza im Wasser trügend. Am Obig simmer uf all Fäll wieder mol so richtig uf dr Schnorra gsi. Dafür hät z kalta Corona umso besser gschmöckt. Miar händ dank am Tip vom Hotel zwai mol fantastisch und voll günschtig Fisch (und anders Meeresgetier) gessa. Zu allem ana hät üs dr Kellner Tequilla vom finschta serviart. Also vergessend dä "Fusel" womer in dr Schwiiz trinkend!!!
Am 31.10. am halb 11i ischs mim Bus zerscht 4 Stund uf Pichilingue (bi La Paz). Vo dött simmer in ca. 16 Stund mir Autofähra noch Mazatlan. Isch no luschtig gsi, miar sind wieder mol di ainziga Touris gsi. Mazatlan isch jetzt nüd grad umwerfends, drum hämmer üs au scho z'nögschta Bus-Ticket organisiart. Ir Nacht vom 2. uf da 3. fahremer uf Puerto Vallarta. Miar werdend also Morn no dr ganz Tag Ziit ha, zum Mazatlan nöcher aluaga. Villicht entdeckemer jo no öpis spannends.
üses Hotel in Cabo San Lucas
mitem Kayak unterwägs
ebafalls
Sunnauntergang uf dr Fähra
Strandbaizli in Mazatlan
Übrigens simmer am 3. November scho glatti 6 Monet unterwägs!!!
!Hasta luego! usem agnehm warma bis verdammt haissa Mexico.
Hallo Roman, merci vilmol für dini Charte - isch immer speziell schön, persönlich vo dir z'ghöre. Geschtert han i d'Flu troffe - chlini Aargauer Wanderig und feine Z'Nacht am Ländliweg. Und jetzt hani richtig Luscht gha, wider emol dini Reisebricht z'läse. Du schribsch witzig und das Bündnerdütsch isch für mich ä chlini Useforderig zum richtig verschtoh - aber i ghör di amigs grad bi so spezielle Usdrück! Dä Patrick hätt jo au scho s'Bier chalt gschtellt für euch. Wänn sind ir in Neuseeland? Wänn ihr echli Gas gänd, chönnted mir eus döte träffe. Was meinsch? Ich flüg am 19.12. here und am 28.1.2010 wider zrugg i d'Schwiiz. Machs guet, vil Spass und gueti Erläbnis. Härzlichi Grüess vom dim Tanti
AntwortenLöschenZ einziga wo i drzua kann sega isch: Tequila ohni mi, Frechheit!
AntwortenLöschen