Aaaaaaaaaaaaaaaaaaaaaaaaaaaaahhhhhhhhhhhhh... i glaub i dreh dura!!!
Oder wiama so schön sait: "Erstens kommt es anders und zweitens als man denkt".
Dr Bus isch (scho!!!) zur sau. Getriebe im Arsch. Unglaublich.
Aber mol vo Afang a. In Prince Rupert hemmer jo rega (sorry, rääga fürd Unterländer) gha. Also witer. Miar sind dänn ab uf Smithers und hend do wela a paar Tag bliba und Wandera...! Am Fritig Obig simmer ako. Nochema luschtiga Usgang simmer nebam Vistor Center go schlofa (in Bus). Im Usgang hemmer eina kennaglernt vo do und er het üs gfogt ob mr go fischa welend am Samstig. Und tatsächlich am Morga am halb 11i ischer z'düsa ko mit sim Chef. Miar sind denn 15 km richtig Prince George gfahra (uf Telkwa) und hend döt as Schluchboot in da Fluss ghift. As isch an richtig gaila (sorry) Boot-Trip gsi mit viel Biar und sehr viel lacha.
Dr Denis (Chef vom Kyle) het dänn sogar no an ca. 25 Pfund schwera Spring Salmon (Lachsart) usa. Isch an richtiga Kampf gsi.
Am Obig simmer na dänn bim Baseball Spiel go zualuaga. Si hend aswas a Turniarli gha am Samstig Obig und am Sunntig. Luschtig gsi zum luaga, as isch wiana Grümpelturniar gsi. Und i weiss jo nid ob all Kanadiar so druff sind aber d'Smitherser sind nu am suffa und an Teil au no am Kiffa, wia im Film.
Uf all Fäll sinds huara fründlich. Si hend üs am Sunntig an gratis Abschlepper organisiart und schlofa hemmer
bim Kyle könna.
Und hüt (27. am Morga) dänn di schlechta Nochrichta, dr Bus isch eba zur sau. Er fahrt nu no rückwärts. Sprich Getriebe kaputt. Jo mol luaga was jetzt lauft. Dä vor Garage isch no am umaluaga aber so wias usgseht ischs vorbei mit am VW-Bus. Miar probiarend sicher no zum na für a paar Dollar zverkaufa.
Do glich no as paar Bildli:
Kyle und Bill ufem Boot
OK, riesig ischs nid gsi, z'Boot aber het glanget für 5 Lüt
An mächtig stolza Denis
Adieu VW-Bus
OK und was nun? Ganz eifach, dr Trip got witer als Backpacker. I denka mora oder übermora gömmer mol uf Vancouver. Und bis mr dött sind hemmer sicher wieder neui Ideea.
Bis bald und an Gruass ind Schwiiz
Oooooh I love Van!!!
AntwortenLöschenIf you are there at July 29th or August 1st, go to English bay! There is a big firework, at 10pm!!!! Celebration of lights
And there is much more in Van... perhaps we'll meet us somewhere downtown, you'll never know! : )
Good trip and take care cu mara brunold
Das isch an schöna seich! Kopf hoch, iar finded scho an wäg. Roman, i chan di übers natel nüma erreicha! wia isch dini mail-adressa? Muas di öppis froga wägera rechnig.
AntwortenLöschenGanz liaba Gruass Mami