sodali do währemer jetzt also tatsächlich ako. Unglaublich...! As isch dr Hammer do!!!
Aber jetzt mol vo Afang a. D'Russa händ üs ohni Problem usreisa lo. Dr erscht Flug uf Seoul (oder Incheon) isch nu grad ei Stund und 50 min ganga. Noch dr Akunft hämmer 9 Stund uf dr Aschlussflug gwartet. Zum Glück hät Seoul an riesiga, moderna Flughafa, so isch d'Ziit tip top uma ganga. Am 20:50 Ortszit simmer dänn abgfloga richtig Hawaii. Isch an gmüatlicha Flug vo ca. 8 Stund gsi. Immer no am 17.06. am 10i simmer in Honolulu glandet. Da Amis hämmer dänn kurz üseri Fingerabdrück und a frisches Photi hinterlo und dänn hämmer ohni witeri Kontrolla könna usa. Dr Gepäckkontrolleur hät üs nu kurz agluagt und lächlend verbie gwunka (you're clean). Usem Flughafa usa häts üs dänn mol fascht us da Socka ghaua. Hät zwor "nu" öpa 28 Grad aber glaub d'Luftfüachtigkeit lit do bi öpa 217%. Richtig GAIL, tuat üsera Seel mol so richtig guat!!!
Z'Hostel isch super suber und d'Lüüt sind au easy. Si bütend recht viel Toura, Füariga... a. Hüt isch z.B. "wednesday Waikiki pub tour". Do dörfend zwei Bündner glaub nid fähla! Wird sicher witzig.
I bin überzügt, miar könd eu bald mit an Hufa Bildli no kli niidischer macha. ;-)
Oahu Island bim Landeaflug
Waikiki Beach (miar händ ca. 2 min z'Fuass)
Und no an ali wo wieder kli verwirrt sind weg dr Zit (miar sind übrigens au). Miar sind jetzt 11 Stund hinter eu, sprich wenns bi eu 20:00 isch isch bi üs 09:00.
Bis bald und i kanns immer nonig glauba...
Do bisch du nit dr einzig, wo das nit glauba kann. Und bitte, dia ganz schöna Bildli könd iar jo eu für eu phalta :)
AntwortenLöschendas gsiet io hammermässig us!
AntwortenLöschenMiar händ hüt au schön warm, doch ab mora sölls scho wider verbi si mit Summertemperatura.
Gnüssends und genz vil Spass, das wünschend miar eu vo Härza
Werni+Monika ( Papi+Mami)
ohhh...dass gseht jo genial us!!! mag eüi das würklich gönna. Endlich könnt iar d`rägakombi mit da Badhosa tuscha !!! Hoffa i kann noh au hufa Fötali vo euera intressanta Rais bestuna.
AntwortenLöschenWünscha Eüi noh a ganza schöna Ufenthalt.
A liabs Grüassli an dia zwei Wältabummler
Wia gseit - i het denn gera as Video mit ema Baströcklitanz vo eu zwei! ;-)
AntwortenLöschenGrüassli
Frau Leuzinger
Do wär i dänn au däbi, bi däm Baströcklitanz-Video :-)
AntwortenLöschenLiabs Grüassli
Mami Giger
Dera Meinig schlüss i mi au! ;-) Gnüssen dia warm zit und vilicht kömer jo wieder amol zäma skypa! :-) Knuddel
AntwortenLöschen