D Zugfahrt isch im grossa und ganza recht schnell uma ganga. Dank au dr Hilf vo uesna Abteilkamerada Galina und Anatoli. Isch huara luschtig gsi mit dena zwei. D Galina haet zu ues gluagt wiana Hilfsmama. Miar haend z Bett mueassa schoen azia, Flip Flops alegga und so witer. Dr Anatoli isch bi jedem Bahnhof usgstiga und isch irgendwas lockals zum essa go poschta. So simmer daenn no in Gnuss vo Baikal Amul (graeucherata Baikalfisch) und Kjedr (Nuessli) ko. Baides super guat gsi. Und guat isch au no gsi, dasmer grad no as paar Wort russisch glernt haend (aber nu wenig). D Kommunikation isch wia immer mit Haend und Fuess gsi, aber luschtig.
Chabarovsk isch no a gmueatlichi Stadt mit viel Grueanalaga. As isch abiz wia kli San Francisco. D Stadt verlauft ueber drei me oder weniger steili Huegel. Dr Amur (Fluss) isch riesig, echt beidruckend.
Z Wetter isch wia immer bi uesna akuenft gsi, bewoelkt und Rega. Aber as isch agnehmi 20 Grad. Das isch zum D Stadt aluaga grad recht.
Am 13.06.2009 am Obig goemmer witer uf Vladivostok. Doet haemmer daenn einiges zum organisiara.
Michi, Galina, Anatoli, Roman
Unterwaegs mim Zug, ca. 8 Stund vor Chabarovsk
Chabarovsk oder au klein San FranciscoBis in Vladivostok...
Hoi iar zwei globetrotter, es isch uuuh schön, eu amol ufema föteli z gse! Dänn chani amel wider mis innari bild vo eu verglicha.
AntwortenLöschenMiar (vor allem i) sind an dä hochzigvorbereitiga. D chüacha sind parat und s werkzüg(chuchigrät) für dia ganz frischa sacha(schoggimousse und quarktorta)sind au scho abpackt! Es chan also fascht nüt me falsch laufa :-))))
I wünsch eu no en guata ufenthalt und dänn wider ä luschtigi zugfaht. Mami
sodeli Cousin... mer händ aso die beide LeuGi's verhürotet chönne und es superschöns Fäscht gha! Au "d'Liveüberträgig" vo Dir hett Di ned ganz ersetzt :-) Hebed Sorg und gnüssed's... mir sind au langsam am Packe! Liebe Gruess
AntwortenLöschen